Isiniwalat ni Commission on Elections (COMELEC) Commissioner Rowena Guanzon na bumoto siya pabor sa disqualification ni dating senador Ferdinand “Bongbong” Marcos, Jr. sa pagtakbo sa 2022 Presidential Elections.
Naniniwala si Guanzon, na bahagi ng COMELEC 1st division na hahatol sa disqualification case, na may moral turpitude batay sa ebidensya upang pagbawalang tumakbo si Marcos.
Gayunman, may nangyayari umanong delay sa paglabas ng resulta ng kaso dahil sa kanyang naging boto.
Duda ni Guanzon na may nakikialam umanong makapangyarihang tao at iniimpluwensyahan ang ibang commissioner para maipit ang desisyon.
Aminado ang poll official na nais niyang mailabas ang desisyon bago siya magretiro sa Pebrero a–2.