Muling hiniling ni People’s Budget Coalition Technical Adviser AJ Montesa ang pagkakaroon ng in-person observers sa bicameral conference committee meeting kaugnay sa panukalang 2026 national budget.
Ito ay kasunod ng mga pagkakaantala sa pagsisimula ng budget hearing, at hindi nakikita o off-camera na usapan sa live streaming na nagdudulot ng pangamba sa publiko.
Ayon kay Montesa, mahalaga ang pagkakaroon ng in-person observers na susubaybay sa mga negosasyon na hindi nakikita sa live stream ng naturang pagdinig.
Ikinababahala rin ng kanilang grupo ang posibilidad na ma-reenact ang 2026 budget, dahil sa mga kanselasyon at pagkaka-delay ng bicam meeting, na maaaring magdulot ng pagkakaantala sa mga proyekto ng gobyerno at negatibong epekto sa ekonomiya.
