Binigyang diin ng abogado ni Suspended BuCor Chief Gerald Bantag na si Atty Rocky Balisong na kung tutuusin ay wala pang pormal o natanggap na subpoena ang kanyang kliyente.
Giit pa nito na wala pang dahilan para dumalo si Bantag sa isinasagawang pagdinig ng Department of Justice (DOJ) kaugnay sa dalawang bilang na reklamong murder na isinampa dito.
Sa ambush interview kay Atty. Balisong, ipinaliwanag nito na hindi dumalo si Bantag dahil sa mali aniya ang detalye na nakapaloob sa subpoena na isinilbi naman sakanyang kliyente.
Ayon kay Atty Balisong, ang middlename kasi na nakasaad sa ipinadalang subpoena kay Bantag ay Soriano na sa halip ay Quitalig .
Lumalabas tuloy na dalawang magkaibang indibidwal ang nakasaad sa naturang subpoena.
Aniya, kanina rin ay tinanggap na ang tamang subpoena kung saan mayroong sampung araw ang kampo ni bantag para maghain ng kanilang counter affidavit.
Sa ngayon, inilipat na sa a singko ng disyembre ang unang pagdinig sa kaso dahil sa maling middlename ni Bantag sa subpoena. - sa ulat mula kay Bert Mozo (Patrol 3).