Iba’t ibang parusa ang ipinataw sa mga tauhan ng Philippine National Police na dawit sa mga iregularidad.
Base sa datos ng PNP Public Information Office mula Enero a-primerro hanggang Disyembre a-tres ngayong taon, pumalo sa 3,181 ang mga administrative cases na naresolba ng pambansang pulisya.
Mula sa naturang bilang, mahigit isanglibo ang tinanggal sa serbisyo matapos mapatunayang guilty dahil sa bigat ng ebidensya sa kinasasangkutan nilang mga kaso.
Nasa 179 naman ang na-demote, habang 1,320 ang na-suspend, 53 ang nilagay sa restriction, 58 ang nawalan ng sweldo, 68 ang tinanggalan ng pribilehiyo, at 460 ang nabigyan ng babala at disciplinary action.
Aabot din sa mahigit dalawanglibo’t pitongdaan ang mga naresolbang kasong administratibo na pawang mga police non-commissioned officer na may mga ranggong patrolman hanggang executive master sergeant; at 347 naman sa mga commissioned officer mula lieutenant pataas at mga non-uniformed personnel.
