Nagbabala si Senate President Vicente Sotto III na posibleng mapilitan ang pamahalaan na gumamit ng reenacted budget sa 2026 kung hindi mareresolba ang gusot sa pondo ng Department of Public Works and Highways.
Matatandaang na-deadlock ang bicameral talks dahil sa naging apela ng DPWH na ibalik ng Senado ang tinapyas nitong 54-billion pesos sa kanilang panukalang budget para sa 2026.
Nauna nang sinisi ni Public Works Secretary Vince Dizon ang Senado sa maling computation nito, ngunit sinabi ni Senador Sotto na direktang galing sa DPWH ang ginamit na datos.
Nilinaw ni Senate President Sotto na kahit may pag-amin ang DPWH sa kanilang kakulangan sa datos, hindi otomatikong maibabalik ang 54-billion pesos sa kanilang pondo.
Ang anumang pagbabago anya ay daraan sa panibagong pagsusuri, computation, at rekomendasyon ng mga senador na kasapi ng bicameral conference committee, kung kaya’t nananatiling nakaumang ang posibilidad ng reenacted budget sa susunod na taon.
