Inilabas na ng Commission on Human Rights (CHR) Central Visayas ang resulta ng inisyal na imbestigasyon sa pagkamatay ng labing apat (14) na magsasaka sa Negros Oriental.
Ayon kay CHR Region 7 investigation Chief Leo Villarino, may iisang pattern bago ang naging pagpatay, ito ay ang pinalabas ang mga miyembro ng pamilya habang ang biktima ay pinaiwan sa loob ng bahay bago pinatay.
Napansin din ng CHR na ang mga napaslang ay pawang may mga edad na at may mga tama sa ulo.
Samantala, nakiusap naman si Villarino sa mga pamilya na makipagtulungan upang mapabilis na makamtan ang hustisya.
Sa ngayon ay siyam (9) pa lamang mula sa labing apat (14) na pamilya ang nagpa-unlak sa kanila ng panayam dahil marami sa mga ito ang takot na mabalikan.
—-