Pag-uusapan pa nina Senate President Pro-Tempore Panfilo Lacson at Senador Sherwin Gatchalian ang pagsasagawa ng panibagong pagdinig kaugnay sa maanomalyang flood control project sa Nobyembre 14.
Ayon kay Senador Lacson, sinabi ni Senador Gatchalian kay Senate President Tito Sotto na sa November a-trese niya nakatakdang i-sponsor ang committee report sa panukalang 2026 budget at uumpisahan na sana agad kinabukasan ang plenary debates.
Dahil dito, hiniling ni Sen. Lacson kay Sen. Gatchalian na kung maaari ay ibigay muna sa Blue Ribbon Committee ang November 14.
Sa ngayon, hinihintay pa ng magbabalik na chairman ng Senate Blue Ribbon Committee ang sagot ni Sen. Gatchalian sa kanyang hiling.
Tatanungin naman ni Senate President Sotto kung papayag sina Sen. Lacson at Sen. Gatchalian na gawin sa umaga ang Blue Ribbon Committee hearing at sa hapon simulan ang plenary debate sa budget.
