Isang manifesto na umano ang umiikot sa Kamara para suportahan si Incoming Leyte Congressman Martin Romualdez bilang house speaker.
Ayon ito kay House Minority Floor Leader Danilo Suarez na nagsabi ring maraming kongresista na ang sumusuporta kay Romualdez para maging susunod na pinuno ng Kamara.
Inihayag ni Suarez na hindi nila batid kung mayroon ding manifestong pinaiikot ang iba pang nais maging house speaker pero kakaiba ang dami ng bilang na nakuhang supporter ni Romualdez na una nang ipinabatid ang interes na maging susunod na speaker of the House.
Makakalaban ni Romualdez sa speakership race sina Taguig City Representative Elect Alan Peter Cayetano, Marinduque Congressman Lord Alan Velasco at dating House speaker Pantaleon Alvarez.
