Mahigit 40 senior officers ng PhilHealth ang nagbitiw na sa puwesto at nagretiro.
Ito ay matapos ipanawagan ni PhilHealth President-CEO Dante Gierran ang pagbibitiw sa puwesto ng matataas na opisyal ng ahensiya bilang bahagi ng planong reorganisasyon nito.
Ayon sa PhilHealth, 43 mga senior officers na ang tumalima sa ipinalabas na memorandum ni Gierran noong ika-30 ng Setyembre.
Nasa 27 anila sa mga ito ang naghain ng resignation letter kung saan 21 ang mula sa Central Office habang anim ang mula sa mga regional offices.
Samantala, 16 na PhilHealth officers naman ang nagretiro —10 mula sa central office at anim ang mula sa regional offices.