Inihain ni Senador Raffy Tulfo ang panukalang Migrant Workers Relations Commission Act na bubuo ng hiwalay na claims court para sa mga Filipino migrant workers.
Layon nitong tugunan ang lumalaking problema sa mabagal, magastos, at kumplikadong proseso ng pagresolba ng labor disputes ng mga Filipino migrant workers.
Kabilang sa mga tutugunan ng panukala ang mga tumataas na kaso ng mga paglabag sa contract employment, hiring, processing, at illegal termination.
Tinukoy din ng senador ang tala ng National Labor Relations Commission, kung saan aabot sa 30,000 ang mga kasong kanilang pinoproseso kada taon, dahilan kaya mabagal at maraming backlog sa mga OFW cases.
