Ieendorso ng Senate Committee on Justice and Human Rights na bigyan ng mas maraming kapangyarihan ang lilikhain na Independent People’s Commission.
Ayon kay Justice Committee Chairman, Senador Kiko Pangilinan, kabilang dito ang kapangyarihang mag-subpoena at mag-contempt sa magiging hadlang sa imbestigasyon, tulad ng mga magsisinungaling o hindi maayos na sasagot sa imbestigasyon.
Ayon kay Sen. Pangilinan, bibigyan din ang IPC ng kapangyarihan na magpa-freeze, magbukas at magpasamsam ng mga bank records at iba pang dokumento, at kapangyarihan na direktang magsampa ng kaso sa korte o Sandiganbayan.
Pabibigyan din nila ito ng mga abogado mula sa Office of the Ombudsman at Department of Justice para maging mabilis ang mga isasagawang imbestigasyon.
Kung sakali mang bubuwagin na ang kasalukuyang ICI, ia-absorb ng IPC ang mga personnel nito pati na rin ang resulta ng kanilang mga naunang imbestigasyon, pero hindi maaaring i-absorb ang ICI chairman at dalawang commissioners dahil sa Pangulo ibibigay ang kapangyarihang mag-appoint ng mamumuno sa IPC.
