Mas mapapadali na ang pagbabayad ng travel tax kasunod ng paglunsad ng Tourism Infrastructure and Enterprise Zone Authority (TIEZA) kung saan maaari nang magbayad ng travel tax online.
Ayon kay TIEZA Chief Operating Officer Mark Lapid, layunin ng programa na mapagaan ang proseso para sa mga travelers at overseas Filipino workers na madalas lumabas ng bansa, habang patuloy na pinapalakas ang turismo sa Pilipinas.
Sa pamamagitan ng bagong sistema, hindi na kailangang pumila sa airport counters dahil maaari nang magbayad anumang oras o kahit saan sa pamamagitan ng TIEZA website at eGovPH app.
