Nilinaw ng isang sugar milling company ang kontrobersyal na paglagay ng “BBM sugar” label sa packaging ng ibinibentang murang asukal sa tanggapan ng Sugar Regulatory Administration (SRA).
Ayon sa Victorias Milling Company, paraan ito upang makilala ang brand o tatak ng asukal at bilang pagpapakita narin ng suporta sa administrasyong Marcos.
Nabatid na ang kada kilo ng asukal na ibinebenta sa ilalim ng pamahalaan, ay nagkakahalaga ng P70 kada kilo kumpara sa mga pamilihan na nagkakahalaga ng P90 hanggang P100 kada kilo.
Una nang nagsimulang magbenta ng murang asukal ang sra sa kanilang tanggapan sa Quezon City at Bacolod City sa Negros Occidental upang makatulong sa tumataas na presyo ng asukal at mga pangunahing bilihin sa merkado.