Mananatiling sa ilalim ng Modified Enhanced Community Quarantine (MECQ) ng Surigao City sa Surigao Del Norte hanggang katapusan ng Oktubre.
Ito ay bunsod pa rin ng patuloy na pagtaas ng kaso ng COVID-19 sa naturang lungsod.
Batay sa datos ng Surigao City health office, umabot na sa kabuuang 158 ang positibong kaso sa siyudad.
71 sa naturang bilang ang aktibo, 26 ang nasawi habang 61 ang nakarekober na.
Nakatakda sanang magtapos ang idineklarang MECQ sa Surigao City noong Oktubre 16 pero pinalawig ito hanggang 31 bilang bahagi ng pinaigting na hakbang kontra COVID-19.