Pangungunahan ni National Security Adviser Hermogenes Esperon Jr. ang gagawing pagsusuri ng gobyerno sa National Broadband Plan sa bansa.
Kasabay ito ng pagbuo ng ITC o Information Technology Council na magsusumite ng rekomendasyon kay Pangulong Rodrigo Duterte kung ano ang magagawa ng gobyerno para mapabilis ang internet connection sa bansa.
Ayon pa kay Communications Secretary Martin Andanar susuriin rin ng ITC ang pagpasok ng mga bago at dayuhang telecommunication company .
Binuo ang ITC kasunod ng pagbibitiw sa pwesto ni Information and Communications Technology Secretary Rodolfo Salalima.