Aabot sa P13.3-B na halaga ng shabu ang nasabat sa isang police checkpoint sa Alitagtag, Batangas.
Narekober ang dalawang toneladang iligal na droga sa isang pampasaherong van na byaheng Lipa City mula sa Santa Teresita na hinarang ng mga pulis sa Barangay Pinagkurusan.
Sinabi ni Interior and Local Government Secretary Benhur Abalos na maaaring ito na ang huling major drug haul sa bansa at patunay ito na nasa tamang landas ang kampanya ng gobyerno laban sa iligal na droga.
Inaresto ang driver ng van na si Ajalon Michael Zarate, 47- anyos ng Barangay Masagana, Quezon City, na i-imbestigahan at sasampahan ng kasong paglabag sa Republic Act 9165 o Comprehensive Dangerous Drugs Act. – sa panunulat ni Raiza Dadia