Huhulihin na ng Land Transportation Franchising and Regulatory Board (LTFRB) ang mga pampublikong sasakyan na hindi nakapag-consolidate para sa PUV Modernization Program ng gobyerno simula sa May 1.
Kasunod ito sa naging desisyon ng pamahalaan na hindi na palawigin pa ang deadline application ng mg PUV sa Abril 30.
Ayon kay LTFRB Chairman Atty. Teofilo Guadiz III na gagawin nila ang kanilang trabaho na sitahin at hulihin ang mga ito at hihingan ng consolidation documents.
Aniya, kapag walang naipakita ang mga nasitang tsuper, dadaan sa due process ang mga ito, o bibigyan ng notice o show cause order o hihingan ng paliwanag.
Dagdag pa ng opisyal, kapag hindi nakuntento ang ahensya sa paliwanag ng mga nasitang tsuper, posible aniyang tuluyang mapawalang bisa o mabawian na sila ng prangkisa. – sa panunulat ni Jeraline Doinog – mula sa ulat ni Gilbert Perdez ( Patrol 13) .
