Ipinag-utos na ni Justice Secretary Vitaliano Aguirre sa National Bureau of Investigation o NBI na maglunsad ng imbestigasyon sa sunog sa NCCC Mall sa Davao City.
Nasa tatlumpu’t pito (37) na karamiha’y call center agent ang pinaniniwalaang hindi na nakalabas ng buhay mula sa natupok na mall.
Kahapon ay isang bangkay na ang narekober makaraang abutin ng mahigit isang araw ang pag-apula sa sunog.
Samantala, pinaniniwalaang patay na ang 37 katao na na-trap mula sa nasunog na NCCC Mall sa Davao City.
Ayon kay Davao Fire Marshal Honeyfritz Alagano, imposibleng may makalabas sa naturang gusali dahil sa laki ng apoy at kapal ng usok.
Bagaman mayroong isang bangkay na ang narekober, hindi aniya sila titigil sa paghahanap sa 37 nawawala.
Sabado ng umaga nang magsimulang kumalat ang apoy mula umano sa isang furniture shop sa ikatlong palapag.
—-
