Arestado ang isang pulis dahil sa indiscriminate firing sa bisperas ng Pasko.
Kinilala ang suspek na si PO1 Arnold Gabriel Sabillo na nakatalaga sa Montalban Police Station.
Batay sa report ng pulisya, nagpapatrolya ang mga tauhan ng Pasig City Police nang makatanggap ng tawag kaugnay sa insidente sa Barangay Santolan.
Kaagad naman rumesponde ang mga pulis sa nabatid na lugar kung saan nila nadatnan at naaresto si Sabillo.
Narekober sa suspek ang isang 9MM beretta na may lamang labing isang (11) bala habang tatlong basyo naman ng bala ang natagpuan sa pinangyarihan ng insidente.
Kasalukuyan pang inaalam ng mga awtoridad kung mayroon bang tinamaan ng pamamaril ni Sabillo.
—-
