Pumayag ang lahat ng pamunuan ng mga mall sa Metro Manila na baguhin ang oras ng operasyon nito upang matugunan ang problema sa daloy ng trapiko ngayong holiday season.
Sa panayam ng DWIZ, sinabi ni MMDA Acting Chairman Attorney Romando Artes na bukas ang mga mall mula 11 AM ng umaga hanggang 11 PM simula sa Lunes, Nobyembre 14 hanggang Enero 6 ng susunod na taon.
Aniya, hindi kabilang dito ang mga grocery store at restaurant.
“Except po iyong mga restaurant, groceries, at iyong nagbebenta po ng mga pangunahing bilihin tulad ng gamot, same manner po iyong delivery po ready po sila 11 am to 11 pm, ang policy po na ito ay ating iniimplement dahil iniiwasan po natin iyong magkasabay sabay during rush hours, kung pupunta po ng mall para mamili pato a rin po ang mga empleyad, at ganoon din po sa mga delivery ng mga produkto sa mga mall ay huwag nmg mapasabay during rush hours.’
Ipinabatid naman ni Artes ang mga hakbang na ginawa ng ahensya upang mabawasan ang masikip na daloy ng trapiko ngayong Christmas season.
“ Naglabas din po tayo ng kautusan na ipinagbabawal po ang paghuhukay sa mga lansangan, alam naman po natin, kung may mga paghuhukay ay nakakadulot poi to ng pagbigat sa daloy ng trapik, although may exceptions po tayo jan, tulad po ng mga pangunahing gawain ng ating DPWH, lalong lalo na po ng ating pamahalaan, pero iyong pwede pa pong i-defer irerequest po natin, na baka after pa ng holiday season payagan ang mga paghuhukay sa ating lansangan’.
Ang tinig ni MMDA Acting Chairman Attorney Romando Artes, sa panayam ng DWIZ
