Bumuo na ng Special Investigation Task Force ang Philippine National Police (PNP) na tututok sa imbestigasyon sa pagpatay sa beteranong radio broadcaster na si Percival Mabasa o mas kilalang “Percy Lapid”.
Ayon sa PNP, nagpapatuloy ang kanilang imbestigasyon upang matukoy kung sino ang nasa likod ng pananambang at ano ang motibo ng mga ito.
Nabatid na lulan ang mamamahayag ng kanyang black Toyota Innova nang banggain ng isang Toyota Fortuner sa tapat ng kanyang bahay sa Las Piñas City, mag-9:00 kagabi.
Matapos nito, dalawang lalaking lulan ng motorsiklo ang sumulpot at pinagbabaril ang biktima na ikinasawi nito.
Samantala, tiniyak ng PNP na mabibigyan ng hustiya ang pag-atake sa isang miyembro ng media.
