Muling binalaan ni Pangulong Rodrigo Duterte ang mga tumatanggi pa ring magpaturok o namimili ng COVID-19 vaccine.
Ayon kay Pangulong Duterte, hindi na dapat pang hintayin ng mga matigas ang ulo na tamaan sila ng Coronavirus disease o mamatay sa sakit.
Dapat anyang samantalahin ng publiko ang bumabahang supply ng bakuna kaysa magpatumpik-tumpik o magdalawang-isip dahil lahat naman ng brand ng COVID vaccine ay epektibo.
Bandang huli ay nagbiro pa ang pangulo na kung magmamatigas pa rin ay patuturukan na lang niya ng ibang bakuna ang mga pihikan. —sa panulat ni Drew Nacino
