Itinanggi ng Malakanyang na nagsisimula na umanong mangampaniya si Pangulong Rodrigo Duterte para sa 2022 presidential elections.
Ito’y ayon kay Presidential Spokesman Sec. Harry Roque makaraang ibuking nito ang pagnanais ni Sen. Christopher “Bong” Go na tumakbo sa pagkapangulo.
Sinabi ng kalihim, kilala naman ang pangulo na mapagbiro sa alinmang pagtitipon upang aliwin ang mga dumadalo sa gitna ng mabibigat na problemang dinaranas ng bansa.
Gayunman, nilinaw ni Roque na ang tanging tinututukan ng punong ehekutibo ay kung paano mababakunahan kontra COVID-19 ang mga pilipino gayung kapos pa rin ang suplay nito sa buong mundo.
