Mga katoliko ipinagdiriwang ang Easter Sunday

Ipinagdiriwang ngayon ng mga  Katoliko  ang Easter Sunday o ang muling pagkabuhay ni  Kristo.

Dinagsa ng mga mananampalataya ang iba’t ibang    simbahan sa buong bansa  upang ipagpasalamat ang  mga biyayang ibinigay ng Panginoon at ang pagtubos  sa  ating mga kasalanan.

Sa  kanyang Eastern  Sunday  Mass,   ipinaalala  ni     Manila Archbishop  Luis  Antonio  Cardinal Tagle na ang   pag-asa  ay  hindi lamang umiiral  nuong    panahon ni  Kristo kundi  maging   sa   kasalukuyan at pang-araw araw  na  buhay  ng mga   tao  ngayon.

Iginiit ni Cardinal Tagle na ang muling pagkabuhay ni Kristo mula  sa kamatayan   ay    pagkakataon  para  sa   mga  Katoliko na   panatilihin  at    isabuhay ang kanilang misyon na magbigay ng pag-asa sa buong   mundo.

Samantala , nanawagan si  CBCP President  at Lingayen Dagupan  Archbishop Socrates Villegas ngayong linggo ng pagkabuhay na ibalik ang   pagmamalasakit, pakikipagkapwa   tao   at  paggalang   sa    karangalan ng   dignidad  ng bawat  isa.

Ito aniya ang tunay na pagsasabuhay ng mahal na araw.

Bago ito, isinagawa kaninang madaling araw, ang  tinatawag na “Salubong”.

By: Meann Tanbio

Comments

comments