Isa katao ang patay, habang apat ang nawawala makaraang lumubog ang sinasakyan nilang bangka sa bayan ng San Francisco sa lalawigan ng Quezon noong Biyernes Santo.
Ayon kay Quezon Police Provincial Director Sr. Supt. Rhoderick Armamento, umalis sa Pagsangahan ang naturang bangka sakay ang siyam na pasahero noong Biyernes, alas-5:30 ng hapon at lumayag patungo sa Sombrero Islands sa Burias, Masbate para mag-picnic.
Pero, dahil sa malalakas na alon, lumubog ang bangka sa karagatang sakop ng Pagsangahan.
Patay na nang matagpuan ang may-ari ng barko na si Junrex Dilao, habang nawawala sina Abraham Heyrana, Sharona Heyrana, Feron Chester Cuezon at Ferry CHERON cuezon.
Sa ngayon, nagpapatuloy ang search and rescue operation sa mga nawawalang biktima.
By: Meann Tanbio
