Umabot na sa 149 na Certificates of Canvass (COC) ang natapos nang i-canvass ng Commission on Elections (Comelec) na nagsisilbing National Board of Canvassers (NBOC).
Mula ito sa kabuuang bilang na 173 COC na para sa mga kandidatong senador at party-list groups.
Sa report ng NBOC na inilabas nitong Biyernes, 24 na COC na lamang ang hindi naka-canvass.
Nangunguna pa rin sa partial at official results sa senatorial race ang aktor na si Robin Padilla na mayroong 26, 454, 562 na boto.
Pangalawa si Loren Legarda, 23, 992, 761; Raffy Tulfo, 23, 166, 449; Sherwin Gatchalian, 20, 376, 009; Chiz Escudero, 20, 050, 377;
Mark Villar, 19, 210, 280; Allan Peter Cayetano, 19, 079, 581; Juan Miguel Zubiri, 18, 582, 962; Joel Villanueva, 18, 300, 955;
JV Ejercito, 15, 688, 993; Risa Hontiveros, 15, 273, 594 at Jinggoy Estrada, 14 966, 887.
Ang ikaapat na canvass report ng Comelec ay ilalabas ngayong araw.
Sa pagbalik naman ng sesyon ng kongreso sa Mayo 23 gagawin ang canvassing para sa presidential at vice-presidential votes.
