Humirit sa mga lokal na pamahalaan ang Land Transportation Office (LTO) na suspendihin muna ang ipinatutupad na No-Contact Apprehension Policy (NCAP).
Ang NCAP ay polisiya kung saan hindi na mga traffic enforcer ang sisita sa mga pasaway na motorista kundi mga camera na 24/7 na nakabantay sa bawat lansangan.
Ayon kay LTO Chief Assistant Secretary Teofilo Guadiz, kinakailangan pang pag-aralan ang ilang parte ng polisiya kabilang na ang tungkol sa mga pampublikong sasakyan.
Mababatid na ilang lungsod na sa Metro Manila ang nagpapatupad sa kasalukuyang panuntunan ng NCAP, ang mga operator ang magbabayad ng mga paglabag ng mga drayber na nasa ilalim nila.