Palutang-lutang at wala nang buhay ang isang lalaki sa ilog sa ilalim ng C4 bridge sa Malabon City.
Ayon sa Malabon City Police, isang mangangalakal ng basura ang nakakita sa nasabing bangkay na akala niya basura.
Sa pag-iimbestiga, nakasuot umano ng jacket, pantalon at bota ang biktima.
Ayon pa sa ilang residente na nakakita sa biktima, may tali umano ang leeg ng biktima at nakatali sa isang timba na may graba.
Nagpapatuloy naman ang imbestigasyon ng Malabon City Police sa dahilan ng pagkamatay ng nasabing biktima.
