Inaasahan na nasa 200K trabaho ang maibabalik sa muling pagpapatupad ng General Community Quarantine (GCQ) ng bansa.
Ayon kay Trade Secretary Ramon Lopez, sa ilalim ng GCQ, mapababa ang mga nawalan ng trabaho dahil marami ang magbabalik trabaho sa muling pagbubukas ng ekonomiya ng bansa.
Magugunitang, nang ipatupad ang Enhanced Community Quarantine o ECQ nasa isa punto limang milyong mga Pilipino ang nawalan ng trabaho sa Metro Manila, Rizal, Bulacan, Cavite at Laguna noong Marso.
Ngunit nabawasan ito ng mahigit isang milyon sa panahon ng implementasyon ng Modified Enhanced Community Quarantine noong nakaraang buwan.
Sa kasalukuyan, nasa 700k mangagagawa ang nawalan ng trabaho matapos payagan ng gobyerno ang limitadong operasyon ng ilang establisyimento tulad ng mga kainan, barber shop at parlor sa gitna ng MECQ.
Samantala, sinabi kagabi ng Pangulong Duterte na simula bukas hanggang sa katapusan ng buwan ay isasailalim na ang bansa sa General Community Quarantine.— sa panulat ni Rashid Locsin