Nagpaabot ng pasasalamat si Pangulong Rodrigo Duterte sa mga bansang nag-donate ng bakuna sa Covax facility.
Kabilang sa mga bansang nagbigay ng donasyon para sa AstraZeneca COVID-19 vaccines ay ang Germany, Norway, France, Italy, Spain, The Netherlands, Sweden, Denmark, Belgium, Austria, Greece at Australia.
Sa naging talumpati ng pangulo sa pagdating ng bakuna mula sa World Health Organization-led Covax facility, maituturing na “plus for humanity” ang hindi paglimot ng mga bansang ito sa mahihirap na bansa tulad ng Pilipinas.
Samantala, hinikayat naman ng pangulo ang mga mamamayan na magpaturok kontra COVID-19 upang mapigilan ang paglaganap ng virus sa bansa. —sa panulat ni Rashid Locsin
