Ibinasura ng Bureau of Corrections (BuCor) ang panawagan ng mga mambabatas na magbitiw o mag leave of absence si BuCor Chief Gerald Bantag.
Ayon kay BuCor Spokesman Col. Gabriel Chaclag, wala sa karakter ng kanilang pinuno ang umaatras sa laban.
Itinanggi ni Chaclag ang akusasyon na hindi nila inire-report sa kinauukulan ang mga kaso ng COVID-19 sa mga piitan at kung sino-sino o ilan na ang nasawi dahil dito.
Matatandaan na naisapubliko lamang ang pagkamatay sa COVID-19 ng mga high profile persons deprived of liberty dahil may nagpadala ng impormasyon sa ilang mambabatas.
Ang ginagawa nga natin ay weekly; we submit reports to the DOH and to the DOJ kung meron naman itong authorized agencies katulad ng CHR, palagi naman sila, regular silang nagre-request ng mga documents, binibigay rin natin. Unang-una kino-consider natin yung rights to privacy of the PDL at yung kanilang mga pamilya. Iniisip namin na bigyan din ng proteksyon yung pamilya at hindi naman natin isinasapubliko saka family lang kami nakikipag-usap,” ani Chaclag. — panayam mula sa Ratsada Balita.