Ini-raffle ng Sandiganbayan ang mga kasong malversation at graft laban kina dating Congressman Zaldy Co, ilang opisyal Department of Public Works and Highways Region 4-B, at board of directors ng Sunwest Corporation.
Hahawakan ng Sandiganbayan Seventh Division, na pinamumunuan ni Associate Justice Hon. Lorifel Lacap Pahimna, ang isa sa mga graft charges laban kay Co.
Mapupunta naman sa Fifth Division ng anti-graft court, na pinangangasiwaan ni Associate Justice Zaldy Trespeses, ang isa pang graft case laban sa dating kongresista at iba pang respondents.
Habang ang Sixth Division ng Sandiganbayan, na pamumunuan ni Associate Justice Kevin Narce Vivero, ang hahawak sa malversation case laban kay Co at sa iba pang respondents.
Lahat ng division, maliban sa First Division, ay lumahok sa special raffle.
Ang Sixth at Seventh Division ay nakatanggap ng dalawang entries para sa raffle dahil walang naitalangang kaso sa mga ito sa mga nakaraang draws.
