Pinaratangan ni Ombudsman Jesus Crispin Remulla si dating Presidential Legislative Liaison Office Undersecretary Adrian Bersamin na nakialam sa mga presidential appointment sa Department of Justice.
Isiniwalat ito ni Ombudsman Remulla bilang tugon sa tanong kung iimbestigahan ng kanyang tanggapan ang mga alegasyon ni dating Public Works Undersecretary Roberto Bernardo na nakatanggap si Bersamin ng bilyon-bilyong kickback mula sa maanomalyang flood control projects.
Ayon sa ombudsman, matagal nang nasa kanyang radar si Bersamin dahil marami na aniya itong napapabalitang mga aktibidad.
Dagdag pa ni Ombudsman Remulla, hindi maayos na naitatalaga ang ilan sa mga tauhan ng DOJ, kung saan minsan, hindi aniya sila nakokonsulta bago i-appoint ang isang kawani.
Sa ngayon, wala pang tugon ang dating Palace official sa akusasyon ng ombudsman.
