Iginiit ni Presidential Adviser on Poverty Alleviation Larry Gadon na lumang tugtugin na ang alegasyon ni Senador Imee Marcos na nagdo-droga si Pangulong Ferdinand Marcos Junior.
Ayon kay Secretary Gadon, wala nang epekto sa mga Pilipino ang mga paratang ng senadora dahil kahit ilang dekada nang sinisiraan si Pangulong Marcos ay nakuha pa rin nito ang malaking tiwala ng sambayanan.
Naniniwala ang presidential adviser na ang posibleng ugat ng galit ni Senador Imee kay Pangulong Marcos ay mga hindi napagbigyang customs appointment at ang pag-veto ng pangulo sa tax benefits sa Bulacan airport.
Binigyang-diin pa sa DWIZ ni Secretary Gadon na ipinagtatanggol niya si Pangulong Marcos dahil nais anyang ipakita ang katotohanan at depensahan ang pamilya Marcos laban sa mga propaganda at paninirang-puri.
