Nanindigan ang DSWD o Department of Social Welfare and Development na hindi nila inutusan ang mga pulubi sa lungsod ng Maynila na magtago sa kasagsagan ng ASEAN Summit.
Ito’y kahit pa una na itong kinumpirma ni Ambassador Marciano Paynor, Director General for Operations ng ASEAN 2017 National Organizing Council sa dahilang pangseguridad.
Ayon kay DSWD Officer in Charge Usec. Emmanuel Leyco, patuloy silang naghahanap ng mga paraan para mapabuti ang kanilang programa para sa mga pulubi na nagkalat sa mga kalsada.
Giit ni Leyco, hindi sapat ang kanilang mga programa para masakop ang lahat pero hindi nila kailanman iniutos sa mga pulubi na magtago alinsunod na rin sa kautusan ni Pangulong Rodrigo Duterte.