Ikinukunsidera ng pamahalaan ang pagbibigay ng 50% insurance subsidy sa mga commercial hog raisers.
Ayon kay Cabinet Secretary Karlo Nograles, ito ang isa sa pinag-aaralang panukala ng pamahalaan para matulungan ang mga magbababoy at maparami ang suplay ng karneng baboy.
Ani Nograles, kukunin ang pondo para sa subsidiya mula sa quick response fund ng Department of Agriculture (DA).
Sa pinakahuling tala ng DA, umaabot na sa apat na milyong baboy ang naaapektuhan ng african swine fever (ASF) na nagresulta sa kakulangan ng suplay ng baboy sa bansa.
Bunsod nito, napilitan naman ang pamahalaan na maglagay ng price cap sa presyo ng kasim at pigue sa P270 per kilo, liempo na P300 per kilo at P160 per kilo sa dressed chicken sa loob ng 60 araw.