Para umano sa ikabubuti ng taumbayan ang napapanahong pagkakalagda ni Pangulong Rodrigo Duterte sa P4.5-T General Appropriations Act.
Ito ang inihayag ni House Speaker Lord Allan Velasco matapos lagdaan ng Pangulo ang national budget.
Ayon kay Velasco, lalo sa panahon ngayon ng pandemya, malaking tulong ito para matugunan ng pamahalaan ang epekto ng naranasang krisis at muling maibangon ang kabuhayan ng mga Filipino.
Kasabay nito, pinasalamatan ni Velasco ang mga kasamahan sa Kamara maging sa senado sa masinop na pagta-trabaho para maipasa sa takdang oras ang national budget.
