Mailap pa rin ang P341.1 million jackpot ng 6-55 Grand Lotto.
Ito’y makaraang wala pa ring masuwerteng mananaya na nakakuha ng winning number combination sa draw kagabi.
Sa ginanap na draw ng Philippine Charity Sweepstakes Office, lumabas ang kombinasyong 42-06-09-29-33-01.
Inaasahan namang madaragdagan pa ang premyo sa Grand Lotto sa gaganaping draw, bukas.
Samantala, wala pa ring nakasungkit sa premyong P17.7 million sa Megalotto 6/45 makaraang bigong matumbok ang kombinasyong 04-33-07-40-21-06 sa draw kagabi.
