Iregular ang nilagdaang Memorandum Of Agreement (MOA) ng PhilHealth at Philippine Red Cross (PRC) kaugnay sa Covid-19 test service ng organisasyon.
Batay ito sa resulta ng internal review ng office of the legal counsel ng PhilHealth at ibinigay kay President and CEO Dante Gierran.
Nakasaad dito ang mabilis na pag-apruba sa PhilHealth-PRC MOA sa kabila ng kawalan ng anumang contract review o contract certificate mula sa internal legal department ng ahensiya.
Taliwas umano ito sa umiiral na polisiya at standard operating procedures (SOP) ng PhilHealth sa mga pinapasok nitong kontrata.
Dagdag pa sa report, kapuna-puna ring naisapinal, nilagdaan at ipinatupad ang moa gamit ang kaban ng bayan kahit wala pa ang mandatory approval mula sa PhilHealth Board of Directors.
Anila, nagpalabas lamang ng legal opinion ang internal legal department sa usapin noong September 25 matapos na kuwestiyunin ng board member na si Alejandro Cabading.