Nasungkit ng isang mananaya mula sa Malanday, Marikina City ang tumataginting na mahigit P29-M na jackpot prize sa Super Lotto 6/49 draw na binola kagabi.
Ayon sa Philippine Charity Sweepstakes Office (PCSO) swerteng nahulaan ng bettor ang six digit winning combination na 36-29-35 -16-03-17 kung saan, maaring makuha ang panalo sa PCSO Main Office sa Mandaluyong City at ipakita lamang ang napanalunang ticket at dalawang Valid ID.
Base sa Tax Reform for Acceleration and Inclusion Law, ang mga nanalo sa Lotto na higit sa P10K ay isasailalim sa 20% na buwis.
Samantala, posible namang mawawalan ng bisa ang mga premyong hindi na-claim sa loob ng isang taon base narin sa patakaran ng PCSO. —sa panulat ni Angelica Doctolero
