Hindi o-obligahin ng Department of Education sa pagsusuot ng faceshield ang mga kabataan o estudyante at mga guro na lalahok sa pilot implementation ng face-to-face classes sa loob ng eskwelahan ngayong araw.
Ayon kay DepEd Assistant Secretary Malcolm Garma, ang tanging importante lang sa mga lalahok ay ang pagsusuot ng facemask bago hanggang matapos ang naturang implementasyon.
Matatandaang 100 pampubliko at 20 pribadong paaralan ang lalahok sa face-to-face class, kung saan nasa 12 hanggang 15 mag-aaral lamang ang ookupa sa loob ng bawat silid-aralan at mula sa 3 hanggang 5 oras na klase. —sa panulat ni Angelica Doctolero