Umaasa ang Malakaniyang sa mabilis na pagbangon ng mga sinalanta ng Super Bagyong Lawin sa Hilagang Luzon.
Ito ang inihayag ni Presidential Communications Asst/Sec. Marie Banaag na nagsabing nakatutok na sila ngayon sa mga isinasagawang relief operations sa mga naapektuhan ng bagyo.
Kumikilos na aniya ang Department of Social Welfare and Development o DSWD gayundin ang Department of Health katuwang ang lokal na pamahalaan para mabilis na maihatid ang ayuda sa mga nasalanta
Regular din aniyang nag-uulat sa Pangulong Rodrigo Duterte sa China ang mga ahensya ng gobyerno hinggil sa kanilang mga hakbang.
Kasunod nito, tiniyak din ni Banaag na may sapat na suplay ng relief goods ang gobyerno para ipamahagi sa mga apektado ng kalamidad.
By: Jaymark Dagala / Aileen Taliping
Photo Credit: RTVM