Ikinomisyon na sa serbisyo ang tatlong Multi Role – Response Vessels (MRRV) at pormal na ding ibinigay ang tatlong Rigid Hull Inflatable Boats (RHIB) mula sa Japan.
Kasabay ito ng pagdiriwang ngayon ng ika – 116 na taong anibersaryo ng Philippine Coast Guard o PCG.
Naging panauhing pandangal sa nasabing pagdiriwang si Transportation Secretary Arthur Tugade.
Ayon kay PCG Spokesman Captain Armand Balilo, apat pang karagdagang MRRV at pitong RHIB ang nakatakdang ipadala ng Japan sa susunod na taon.
Bahagi aniya ito ng 600 milyong yen o 5.35 milyong dolyar na non – project grant aid para sa PCG mula sa Japanese Government’s Economic and Social Development Program.