Tumaas ang presyo ng ilang gulay sa merkado kabilang na dito ang siling labuyo na pumalo sa P600 ang kada kilo sa Metro Manila.
Ayon sa mga tindero, nito lamang nakaraang linggo ay nasa P230 hanggang P300 lamang ang presyo ng siling labuyo.
Maaari namang bumili ng tingi pero papatak sa P5 ang kada isang piraso nito.
Bukod sa sili, posible ding tumaas ang presyo ng iba pang mga gulay sa merkado sa susunod na linggo dahil sa epekto ng mga nagdaang bagyo.—sa panulat ni Angelica Doctolero
