Nakapagtala ng 923 na bagong kaso ng mga Omicron subvariant sa bansa ang Department of Health (DOH).
Batay sa datos ng DOH, 890 ang bagong kaso ng BA.5 omicron subvariant, 18 ang BA.4 at habang 15 ang BA.2.12.1.
Sa bilang bagong kaso ng BA.5, 823 na ang gumaling na, 31 naman ang naka-isolate pa, habang patuloy na inaalam ng DOH ang lagay ng natitirang 36 na BA.5 patient.
Samantala, tig-isa na lang ang hindi pa gumagaling sa mga bagong kaso ng BA.4 at BA.2.12.1 subvariants.
Bunsod nito ay umabot na sa 1,997 ang kabuuang bilang ng mga BA.5 cases sa bansa, 154 ang BA.2.12.1 at 71 naman ang mga kaso ng BA.4.