Nanawagan si Pangulong Rodrigo Duterte sa mga mayayamang bansa na tulungan ang mahihirap na bansa.
Ayon kay Pangulong Duterte, kahit paano ay nakapinsala sa mga mahihirap o maliliit na ekonomiya ang globalization na isang uri ng pagkakait sa ilan at mga bansang “napag-iwanan” ng mga naglalakihang ekonomiya.
Ipinunto ni Duterte sa kanyang keynote speech sa 25th Asia-Pacific Economic Cooperation CEO Summit sa Da Nang, Vietnam na dapat bigyang oportunidad ng mga malalaking ekonomiya ang mga mahihirap na bansa na makasabay sa hamon ng globalisasyon.
Ito’y sa pamamagitan ng paglikha ng free market upang magkaroong ng mas malawak na kompetisyon na makatutulong sa mga maliit na negosyo na lumago.