Itinanggi ni Marikina City 1st District Rep. Marcy Teodoro ang mga akusasyong isinampa laban sa kanya ng dalawang policewoman sa Department of Justice.
Ayon sa kongresista, ito’y “malisyoso, walang sapat na basehan, at gawa-gawa lamang” na may layuning sirain ang kanyang reputasyon.
Aniya, tila isa itong politically motivated attack dahil sunod-sunod ang mga batikos.
Dagdag pa ni Representative Teodoro, hanggang ngayon ay hindi pa niya natatanggap ang anumang pormal na reklamo kaya wala pa siyang buong detalye tungkol sa mga alegasyon.
Nanawagan naman ang mambabatas para sa isang impartial, transparent, at bukas na imbestigasyon upang maprotektahan ang kanyang reputasyon laban sa sunod-sunod na atake.
Sinampahan kasi ng dalawang policewoman sa DOJ ang mambabatas ng acts of lasciviousness at rape by sexual assault.
