Kinumpirma ni Palace Press Officer Undersecretary Claire Castro na wala pang maibabahaging impormasyon ang Malacañang kaugnay ng usapin sa posibleng pagbubukas ng sealed BIR “green box” sa impeachment trial ni Vice President Sara Duterte.
Ayon kay Usec. Claire Castro, wala pang natatanggap na request ang Office of the President na naka-address kay Pangulong Ferdinand Marcos Junior, kaugnay ng isyu.
Nauna nang sinabi ng ilang senador na kailangan umano ang awtorisasyon ng Pangulo upang mabuksan ang kahon, alinsunod sa mga probisyon ng National Internal Revenue Code.
Inaasahang tatalakayin muli ng Senate Impeachment Court ang usapin sa Lunes, July 20, kasama ang iba pang nakabinbing mosyon para sa BIR records, bank records, at AMLC documents ni VP Sara.—sa panulat ni Reabelle Medina
