Dumipensa ang Malacañang sa bintang na untouchables ang ilan sa mga malalapit na opisyal ng gobyerno tulad ng gabinete.
Ayon kay Presidential Communications Secretary Sonny Coloma, walang konsepto ng untouchable sa Aquino administration dahil ang pagsasampa ng kaso ng Ombudsman at maging ng Department of Justice (DOJ) ay batay sa ebidensya at hindi alegasyon.
Hiwalay at independent constitutional body aniya ang Ombudsman kaya’t hindi ito uubrang impluwensyahan ng Malacañang.
Una nang kinuwestyon ni Senador Grace Poe ang hindi pagkakasama ni Abaya at maging ni Budget Secretary Florencio Butch Abad na umano’y nakinabang din sa anomalya.
By Judith Larino | Aileen Taliping (Patrol 23)
