TINAMAAN ng acute diarrhea ang 50 indibidwal sa Southern Leyte na apektado ng bagyong Odette.
Ayon kay Dr. Marc Steven Capongcol ng Department of Health-Eastern Visayas, 12 bayan sa probinsya ang positibo sa E.Coli o Escherichia Coli na isang uri ng bakterya.
Kabilang sa mga lugar na ito ang Anahawan, Bontoc, Hinundayan, Libagon, Liloan, Macrohon, Malitbog, Padre Burgos, Saint Bernard, San Ricardo, Sogod at Tomas Oppus.
Nabatid na sa 50 diarrhea cases, pinakamarami ang naitala sa Maasin City na umabot sa 12, sinundan ng San Ricardo na may siyam na kaso, kasunod ang Pintuyan at San Francisco na may tig-a-anim na kaso.
Bagama’t na-ospital ang mga biktima, sinabi ni Capongcol na wala namang pumanaw sa mga ito.
